Día da tradución

Un ano máis a Biblioteca do centro súmase á conmemoración do Día da Tradución. Para esta xornada preparamos un concurso no que retamos a todo o alumnado a adiviñar a equivalencia de diferentes expresións en distintos idiomas. No vestíbulo do centro expuxéronse 18 frases en idiomas como o galego, inglés, italiano, francés ou alemán, entre outros e todos os que quixeron participar cubriron unha ficha coas correspondencias nas distintas linguas. Os gañadores obtiveron un agasallo que se lles entregou na biblioteca. ¡Parabéns a todos eles!

Aquí podes ver as imaxes do que deu de si este concurso.

Advertisements

Voluntarios da Biblioteca

Neste novo curso dende a Biblioteca quixemos dar a oportunidade a todo o alumnado do centro a traballar como voluntarios/as e así facer deste espazo algo máis próximo a todos eles. Polas aulas do instituto colgamos carteis ofrecendo esta posibilidade e o resultado foi magnífico xa que temos un total de 13 alumnos e alumnas voluntarios. Moitas gracias a Rosalía, María, Marina, Cecilia, Noa, Paula, Nuria, Nerea, Marcos e Samuel de 1º da ESO; a Aroa e Nerea de 3º de ESO e a Luana de 4º de ESO. ¡Seguro que coa vosa colaboración a Biblioteca funcionará aínda mellor!

Clubs de lectura 2018-2019

E outro ano máis a Biblioteca pon en marcha os clubs de lectura. Nesta ocasión son seis os departamentos que se involucraron con nós para ofertar diferentes lecturas que se irán repartindo ao longo de todo o curso: Música, Matemáticas, Inglés, Lingua Castelá, Filosofía e Relixión. Preto de cincuenta alumnos/as xa se anotaron para gozar da lectura e compartir as súas impresións. O primeiro club en comezar a lectura será o de Música, co libro de Gonzalo Moure El síndrome de Mozart, publicado pola editorial SM e que foi gañador do premio Gran Angular. Por aquí iremos contando más novas dos clubs de lectura e colgando imaxes das nosas reunións.

 

clubs de lectura

¡Iniciamos o curso 2018-2019!

Dende a Biblioteca do centro queremos dar a benvida a toda a comunidade educativa a este novo ano académico 2018-2019. Animámosvos a todos a vir a visitarnos e a facer uso do amplo abano de lecturas que temos agardando por vós nos nosos andeis. Aproveitamos a oportunidade tamén para desexarvos un bo comezo de curso.

Feliz verán…lendo!

Dende a Biblioteca queremos desexar a toda a comunidade educativa un feliz verán, pero como di o noso cartel “Todo verán ten a súa historia…” e non queremos deixar escapar a oportunidade de recomendar algunha historia para ler nestas vacacións, polo que no vestíbulo do instituto colocamos unhas cantas recomendacións lectoras coas que seguro desfrutarás mentres tomas o sol na praia ou na piscina…

A disfrutar do verán e das vacacións…pero lendo!!!

Día das Letras Galegas e Día do Teatro

O día 16 de maio conmemoramos no centro o Día das Letras Galegas e aproveitamos a xornada para celebrar ó mesmo tempo o Día do Teatro, que, a pesar de que xa pasaran semanas dende a data da súa conmemoración ao coincidir coas vacacións de Semana Santa non se puido levar a cabo.

Na Biblioteca e ante o alumnado de 1º, 2º e 3º de ESO e todo o profesorado que quixo asistir, representouse unha pequena obra de teatro en galego titulada “A visita do inspector“.

Gañadora do concurso da Biblioteca

Noraboa á gañadora do concurso da Biblioteca, á alumna Carme Alonso Mourelle de 2º de ESO. E noraboa tamén ás outras alumnas que, a pesar de non ter tantos acertos como Carme, tamén fixeron un bo papel neste certame.

23 de abril: Día do Libro

Dende a Biblioteca leváronse a cabo diversas actividades co fin de conmemorar esta data.

Dende primeira hora da mañá depositouse en cada aula un exemplar dun libro de modo que todo o profesorado que o considerase oportuno adicara dez minutos da súa clase a ler unhas cantas páxinas.

 

Así mesmo organizouse unha exposición no vestíbulo do centro con exemplares de libros recomendados polo alumnado, profesorado e persoal non docente. Xunto con cada exemplar figura unha pequena explicación do motivo polo cal é unha lectura recomendada.

Aproveitando as aportacións feitas polo profesorado e persoal non docente, púxose en marcha un concurso dirixido a todo o alumnado e que consiste en adiviñar a que profesor/a ou a que membro do persoal non docente corresponde cada libro exposto no vestíbulo. Para participar teñen que cubrir unha ficha e depositala na furna que atoparán na biblioteca. O prazo de participación remata o venres día 27 de abril.

Día Mundial da Poesía

O pasado 21 de marzo celebrouse en todo o mundo o Día da Poesía e na Biblioteca do noso centro non quixemos deixar pasar a oportunidade de fomentar a lectura de poesía a través de diferentes actividades. Para iso xuntamos na biblioteca a todo o centro (é o bon que ten ser un instituto con pouco alumnado) e alí alumnos de 1º da ESO recitaron poemas de autores coma Walt Whitman, Lorca ou Luz Pozo Garza, entre outros; os de 2º da ESO fixeron una lectura teatralizada con siluetas de cartón de poemas de Gloria Fuertes; e o alumnado de 3º debatiu sobre os seus gustos poéticos.

A continuación podes ver imaxes desa xornada tan poética: